المدوّن

الفكرة

تطبيق تدوين يومي بسيط تكتب فيه كل شي سويته خلال يومك مع الوقت. الفكرة إنك إذا أحد سألك "ايش سويت اليوم؟" أو حتى أنت نفسك حسيت إن يومك ضاع — ترجع للمدوّن وتلقى كل شي مسجّل.

ثم بعدها مع الوقت يرتسم لك خط واضح كيف تقدمك في مشاريعك المتنوعة عن طريق نظام الأوسمة او التاقز (tags).

كيف تستخدمه؟

افتح التطبيق، اكتب ملاحظتك، واضغط إضافة. التطبيق تلقائيًا يسجّل الوقت والتاريخ. او تقدر تحدد تاريخ ووقت معين اذا ودك!

تقدر تضيف أوسمة (tags) لكل ملاحظة عشان تربطها بمشروع أو موضوع معين. وتقدر تقلب بين الايام والتواريخ عشان تشوف ايش سويت، او ايش بتسوي مستقبلًا.

🎉 ما الجديد؟

الحين تقدر تضيف تذكيرات غير الملاحظات العادية!

التذكير يختلف عن الملاحظة — ما له وقت محدد ولا أوسمة، بس مربوط بتاريخ. تقدر تستخدمه عشان تذكّر نفسك بأشياء لازم تسويها.

كيف تضيف تذكير؟

في مربع الكتابة بتلقى زرين: "ملاحظة" و "تذكير". اختر تذكير، اكتب، واضغط إضافة. التذكير يتسجل على اليوم اللي أنت فيه، أو تقدر تختار تاريخ ثاني.

وين يظهر التذكير؟

التذكيرات تظهر في صندوق مميز فوق ملاحظات اليوم. وتقدر تعدّلها، تشيّكها كـ "تم"، تحذفها، أو تعيد ترتيبها.

تبويب التذكيرات

فيه تبويب جديد اسمه "التذكيرات" — يعرض لك كل تذكيراتك الحالية والمستقبلية مرتبة بالتاريخ. تضغط على أي تاريخ وينفتح لك تذكيراته. وفيه:

• 📦 الماضية — يعرض التذكيرات اللي عدّى تاريخها (تتأرشف تلقائي).
• 📅 تصفية — فلتر بالتاريخ عشان تلقى تذكير معين.
• 🗑 حذف — وضع الحذف، تقدر تحذف تذكيرات معينة أو تذكيرات يوم كامل، وتقدر تمسح كل التذكيرات الماضية دفعة وحدة.

المميزات

• تدوين سريع — اكتب واضغط Enter وخلاص، الوقت والتاريخ يتسجلوا تلقائي.
• أوسمة متعددة — كل ملاحظة تقدر تضيف لها أكثر من وسم.
• التقدم العام — صفحة تعرض كل أوسمك كمشاريع، تضغط على أي وسم وتشوف كل الملاحظات المرتبطة فيه.
• مجلدات — رتّب أوسمك في مجلدات عشان تنظّم شغلك.
• أرشفة — أرشف أي وسم أو مجلد خلصت منه بدون ما تحذفه.
• وضع ليلي — للاستخدام بالليل.
• نسخ احتياطي — صدّر كل بياناتك كملف "txt" عادي تقدر تفتحه وتقرأه، وارجع استورده على أي جهاز ثاني.
• يشتغل بدون نت — ملف واحد يشتغل على الكمبيوتر والجوال بدون ما تحتاج تثبّت أي شي.

شرح التثبيت

لأصحاب الآيفون:

لأصحاب الأندرويد: